బ - భ >>>> 14

* భారం పైన పడినప్పుడే బరువు తెలిసేది.
* భార్య అనుకూలవతి అయితే సుఖి అగును, లేకుంటే వేదాంతి అగును.
* భార్యచేతి పంచభక్ష్య పరమాన్నం కన్నా, తల్లి చేతి తవిటిరొట్టె మేలు.
* భార్య మాట బ్రతుకు బాట.
* భావాయ పున్నమకు పరగళ్ళు పచ్చబడతాయి.
* భాస్కరాచార్య్ల (భాష్యకారుల) వెంట్రుకలైతే మాత్రం, వీనకు తంతు లవతవా?
* భాషకు తగిన వేషముండాలి.
* భాషలెల్ల వేరు పరతత్వమొక్కటే.
* బిక్షం బిడబిడా అంటే, దొంతులు లొడాలొడా అన్నాయట.
* భిక్షాధికారైనా కావాలి, లక్షాధికారైనా కావాలి.
* భూతాలకు బుద్ధిలేదు, నరునకు బద్ధం లేదు.
* భూదేవి అల్పసంతోషి, కాస్త కఱ్ఱుతో గిలిగింత (చక్కిలగిలి) పెట్టగానే నిండుపంటతో కలకల లాడుతుంది.
* భూమి కొత్త అయితే భోక్తలు కొత్తా?
* భూమి కొత్తదైన భూమేలు కొత్తవా?
* భూమిని చూర్ణం చేస్తే, పట్టెడెరువే పుట్టెడు పండిస్తుంది.
* భూనిని రాజుని కాచుకున్నవాడు చెడడు.
* భూములిచ్చినట్లు భూపతు లీయగలరా?
* భోగములకెల్లను నెచ్చెలి జవ్వనంబు.
* భోగాపురం బొల్లి మేఘాలు అక్షయపాత్ర కనుగ్రహమా?
* భోజనం చేసిన వానికి అన్నంపెట్ట వేడుక, బోడితలవానికి వెంట్రుక వేడుక.
* భోజనానికి నేను, మా బొప్పడు, లెక్క చెప్పను నేనొక్కడనే అన్నాడట.
* భోజనానికి వచ్చి పొయ్యి త్రవ్వినట్లు.
* భోజనానికి వద్దంటే పట్టుచీర కట్టుకొని వస్తానన్నట్లు.
* భోజునివంటి రాజుంటే, కాళిదాసువంటి కవి ఉండనే ఉంటాడు.
* భ్రమరంబు తనరూపు క్రిముల కిచ్చినరితి.