శ - ష >>>> 3

* శెట్టిగారు సింగారించుకునే లోపల ఊరంతా కొల్లబోయిందట.
* శెట్టిగారూ, తుమ్మితే ఏమనుకుంటారు? అని త్రిమూర్తులు మారు వేశంలో వచ్చి అడిగితే, జలుబు చేసిందని అనుకుంటాను-అన్నాడట.
* శెట్టిగారూ, మాలో ఎవరు బాగుంటారు? అని లక్ష్మీదేవి, దరిద్రదేవి వచ్చి అడిగితే, చినక్క లోపలికి వస్తే బాగుంటుంది, పెద్దక్క బయటకిపోతే బాగుంటుంది - అన్నాడట.
* శేరుదొరకు మణువుబంతు.
* శేషాయలెస్స అంటే, గరుడాయలెస్స అన్నట్లు.
* శొంఠి లేని కషాయమా?
* శోభనం నాటి ముచ్చట్లు లంఖణంనాడు తలచినట్లు.
* శ్మశానానికి పోయిన శవం తిరిగిరాదు.
* శ్యామలాకారుడమ్మా! ఈ బిడ్డ శానాళ్ళు బతుకడమ్మా.
* శ్యామలకోరల పున్నానికి కోటొక్కపుఱ్ఱె బొట్టి నోముతుండట.
* శ్రార్ధానికి అంటు లేదు, యఙ్ఞానికి ఎంగిలి లేదు.
* శ్రావణంలో శనగల జోరు, భాద్రపదంలో బాధలపోరు.
* శ్రీవైష్ణవుడు ముడ్డి చెరువులో కడగగానే అది సదాచారమగునా?
* శ్రీయుతులు నన్నూట యిరవై (420) (420=భారత శిక్షాస్మృతిలో 420-వ నిబంధన మోసమునకు శిక్ష విధించునది. అంటే మోసగాడు.
* శ్రీరంగం రోకలి చేతులమీద నిలువదు.
* శ్రీరంగంలో పుట్టిన బిడ్డకు తిరువాయిమొళి నేర్పాలా? (తిరువాయిమోళి = నాలాయిరం (నాలుగువేలు) అను ద్రావిడ ప్రభందంలోని పాచురములు (పద్యములు)).
* శ్రీరంగనీతులు చెప్పేవారేగానీ, చేసేవారు లేరు.
* శ్రీరామరక్ష నూరేండ్లాయస్సు.
* శ్రీరామ లంకలో బోడికోతి.
* శ్రీరాముడు మానవాడైతే, చీడపురుగు లేమిచేస్తవి?
* శ్రీవైష్ణవుడు ముడ్డి కడిగితే, రెండుచేతులకూ పని. ( కుడిచేతితో నీళ్ళు ఎడమచేతిలో పోసుకొని కడుగుకొందురు, పురచేయి నీళ్ళను తాకి మయిల చేయరాదని).
* శ్రుతిమించి రాగాన పడినట్లు.
* శ్రుతిలేని పాట, సమ్మతిలేని మాట.
* శ్రుతిలేని పాట, మతిలేని మాట.
* శ్వాస ఉండేవరకు ఆశ ఉంటుంది.
* షండున కబ్బిన చాన వలె.
* షండునికి రంభ దొరకినట్లు.(నపుంసకునికి)