త - థ >>>> 6

* తరి ఉంటే, వరి అంటారు (తరి=మాగాణి, మబ్బు).
* తరి పట్టిన కఱ్ఱ, చెరపట్తిన కుఱ్ఱ.
* తరి మెడకు ఉరి.
* తఱిమి చల్లితే తవ్వెడే.
* తలంత బలగమే కానీ తలలో పెట్టువారు లేరు.
* తల ఊపినందుకు తంబూరా బుఱ్ఱ ఇచ్చిపొమ్మన్నట్లు.
* తలకాయ లోపలికి దూర్చిన తాబేలు వలె.
* తలకింది కొఱవి వలె.
* తలకు చెప్పులడిగినట్లు.
* తలకు దాకకున్న, తనకేమి తెలియదు.
* తలకు దారిలేదు, బుడ్డకు అటకలి.
* తలకు మించిన శిక్ష, గోచికి మించిన దారిద్ర్యం లేవు.
* తలకు వచ్చిన భాదను తలపాగా మోసినట్లు.
* తలకోసి ఇచ్చినా పుచ్చకాయ అనేవాడు.
* తలకోసి ముందర పెట్టినా గారడివిద్యే అన్నట్లు.
* తలకోసుకుపోగా తమ్మపోగుల కేడ్చినట్లు.
* తలగడ కింద త్రాచుపాము వలె.
* తలగడ తిరుగవేస్తే తలనొప్పి తీరునా?
* తలగొట్టేవానికైనా మూడు మనవు లుంటాయి.
* తల గొరిగించుకున్న తరువాత తిధి నక్షత్రం చూచినట్లు.
* తలగోసి మొల వేసినట్లు.
* తలచినప్పుడే తాత పెళ్ళి.
* తల చుట్టం, తోక పగ.
* తల తడవి బాసచేసినా వెలయాలిని నమ్మరాదు.
* తల తడిపిన మట్టుకు గొరిగి తీరవలె.
* తల తిరిగి ముద్ద నోటికి వచ్చినట్లు.
* తల దన్నేవాడు పోతే, తాడి దన్నేవాడు వస్తాడు.
* తలదాచుకొన చోటిచ్చిన వానికే తావు లేకుండా చేసినట్లు.
* తల నరకడంలో, మొల నరకడంలో తారతమ్యమేమిటి?
* తల నరికె వానికి తలవారిచ్చినట్లు (తలవారు=పెద్ద కత్తి, తల్వార్-హింది).