వ >>>> 7

* వాడి తండ్రి, మాతండ్రి సయాం మగవాళ్ళు-అన్నట్లు.
* వాడిపోయిన పూవులు ముడుచువారుందురా?
* వాడు వట్టి ఇరవై ఐదు ఇరవైఆరు ( ఇరవై ఐదు =25వ సంవత్సరం ఖర, 26వది నందన, గాడిదకొడుకని).
* వాతికి వెరతునా, పీతికి వెరతునా అన్నట్లు.
* వాతాపి జీర్ణం - వజ్రశరీరం.
* వాద బ్రష్టుడు, వైద్య శ్రేష్టుడు (వాద= రసవాదం చేసినవాడు).
* వాది నాశం, ప్రతివాది మృతనష్టం, ప్లీడర్ల అదృష్టం, కోర్టువారి ఇష్టం.
* వాదు తెచ్చుకోవాలంటే, అప్పు ఇవ్వమన్నారు.
* వాదులేక ప్రాణం, దాదిలేక రాణి పోరు.
* వాదులేక వల్లూరికి పోతున్నాను, ఇరుగుపొరుగు నాసవతుల్లారా! ఇల్లు భద్రం (గంప ఎత్తండి) అన్నదట .
* వాదు సుమీ! అప్పిచ్చుట.
* వాన ఉంటే కఱవు, పెనిమిటి ఉంటే పేదరికం లేదు.
* వాన ఎక్కువైతే రొంపికరువు, వాన తక్కువైతే వరపు కరువు.
* వానకన్నా ముందే వరదనా?
* వానకు ఎచ్చయిన తేగి వెరచుగానీ ఎనుబోతు వెరచునా?
* వానకు ముందు ఉఱిమినా, మాటకు ముందు ఏడ్చినా తుదముట్టదు.
* వాన కురుస్తున్నది నాయనా, అంటే కురవనీలే అనగా, అట్లానే కురవనిస్తాలే అన్నాడట.
* వానతోడ వచ్చు వడగండ్లు నిలుచునా?
* వాననాటి వరద, పెళ్ళినాటి పప్పుకూడు.
* వానపొటుకుకంటే మ్రానుపొటుకు ఎక్కువ (పొటుకు అనే శబ్దంతో చినుకు పడుట).
* వాన బడాయి చవిటిమీద, మాల బడాయి పాటిమీద, మొగుడి బడాయి ఆలిమీద.
* వానరాకడ, ప్రాణం పోకడ ఎవఱెరుగుదురు?
* వానలకు మఖ(కార్తె) కుక్కలకు చిత్త(కార్తె).
* వానలుంటే పంటలు, లేకుంటే మంటలు.
* వానలు కురిస్తే వసుంధర.
* వానలు కురిస్తే వాతలు మాసిపోవు, బిడ్డలు పుడితే ఱంకులు మఱచిపోరు.
* వానలు ముంచతవోయ్ ! ముంచతవోయ్! అన్నాడట జ్యోతీష్కుడు (ఎగగొట్టినా ముంచుటే, ఎక్కువైనా ముంచుటే).
* వాన లెక్కడా? అంటే దానధర్మాలున్న ధరణిలో అన్నట్లు.
* వానలేని వట్టి పిడుగు వలె.
* వానవచ్చినందుకు వంక పారిందే గుర్తు.