త - థ >>>> 22

* తేనెబోసి పెంచినా వేపకు చేదుపోదు.
* తేనెలో బడ్డ ఈగవలె.
* తేరకు దొబ్బరా బూరగబుచ్చన్నా.
* తేరగాడికేమి తెలుసు తెల్లజొన్న నూగు.
* తేరగాడికేమి తెలుసు లంజ ముడ్డినొప్పి.
* తేరగా వచ్చింది తినితిని, మా తమ్ముడూ ఒకడున్నాడన్నట్లు.
* తేర గుఱ్ఱం, తంగెడు బఱికె.
* తేరకు వచ్చింది ఊరకే పోతుంది.
* తేరసొమ్ము, బీరపీచు.
* తేరుండేదాకానే తిరునాళ్ళు.
* తేరుతీసిన నాటి తీర్థంవలె.
* తేలుకు ఎవరు అపకారం చేసినారు?
* తేలుకుట్టిన దొంగవలె.
* తేలుకు పెత్తనమిస్తే, తెల్లవార్లు తెగకుట్టిందట.
* తేలుకు వెరచి పరుగెత్తి, పాముపై బడినట్లు.
* తేలుచూడిమోసి (పిల్లలగని) చచ్చినట్లు.
* తేలు తేలండి అని అరిస్తే మొగవాళ్ళని పిలవ్వే అన్నాడట. మీరు మొగవారు కారా అని పెండ్లామంటే, సమయానికి ఙ్ఞాపకం చేశావు, కఱ్ఱ తెమ్మన్నాడట.
* తేలుమంత్రమైనా రాకున్నా, పాము పదగపై చేయి పెట్టినట్లు.
* తేలువలే కుట్టిపోయినాదు (కొండెములు చెప్పి).
* తేలేనమ్మకు తీపులు మెండు.
* తేళ్ళలో కొండి, పాములలో పడగ (విషం).
* తైమాసం (రేయి) తెగబారెడు.
* తొంగున్న సుంకరీ తలమూట దింపమన్నట్లు.
* తొండకు వెలుగు సాక్షి (వెలుగు=కంచె).
* తొండ పరుగు కంపదాకానే.
* తొండ ముదిరితే ఊసరవెల్లి, గొల్ల ముదిరితే పిళ్ళ.
* తొందరకు ఆలశ్యం మొగుడు.
* తొందరగా రమ్మంటే, తిరుగమూత వేసి వస్తానన్నట్లు.
* తొంభై తొమ్మండుగురు పోగై తోలు తెగగోసినారట.
* తొక్కలేనమ్మ తొక్కులో నీళ్ళుపోసిందట.