త - థ >>>> 23

* తొక్కినా కఱవకపోతే బురదతొస్సురా అన్నట్లు (పామును).
* తొడ పలుచనదానికి తూటు పెద్ద.
* తొట్టిలో ఊచినట్లు, తొడ గిల్లినట్లు.
* తొట్ల అర్భకుల నూతువు, మరి తోచినట్లు గిల్లుదువు.
* తొడ పలుచనగు నింతికి నడిగండిగలు పెద్ద.
* తొడబలం ఉంటే తొంభైమంది ఉన్నట్లు.
* తొడగిల్లి తొట్ల ఊచినట్లు.
* తొడిమ ఊడిన పండు పడకుండా ఉంటుందా?
* తొత్తు కింద తొత్తు, దొప్ప కింద దొప్ప.
* తొత్తు కింద బడితొత్తు.
* తొత్తుకు సివమెత్తినా మ్రొక్కక తీరుతుందా?
* తొత్తుకో మాఱుతొత్తంట.
* తొత్తుక్క బొల్లిమేక (తొత్తుకొక బొల్లిమేకా?).
* తొత్తుది నగలెన్ని ఇడిన దొరసానగునా?
* తొత్తును ఇంటబెట్టి దొరసానిని చెరగొందురా?
* తొత్తువలే పాటుపడి, దొరవలే తిరుగవలె (తినవలె).
* తొడరి ఆలినమ్మి తొత్తును గొన్నట్లు.
* తొఱ్ఱి మెచ్చేది ఉప్పుపిండి.
* తొఱ్ఱోడు మెచ్చేది ఊరిబిండి (ఊరిబిండి=పచ్చడి).
* తొలకరిలో చెరువు నిండినా, తొలిచూలు కొడుకుపుట్టినా మేలు.
* తొలకరి వానలు మొలకలకు తల్లి.
* తొలి ఏకాదశికి తొలి తాటిపండు.
* తొలిగండం తప్పితే తొంభై ఏళ్ళ ఆయుస్సు.
* తొలిచేసిందానికి తల ఎత్తుకోలేకుంటే, వావిలి చెట్టుక్రింద వాడెవడమ్మా?
* తొలిపెండ్లాం తోటకూర, మలిపెండ్లాం మామిడిపండు, మూడోపెండ్లాం ముంతమామిడిపండు (ముంతమామిడి=జీడిపండు).
* తొలిపిల్లకు తొంబై అంగీలు, మలిపిల్లకు మారుదొడగ లేదు.
* తొలి సమర్తకే గూద దిగినట్లు.
* తోకకు తొంభై, నాకు నలభై అన్నట్లు.
* తోకతెగిన నక్కవలె.
* తోక ముడుచుకొన్నట్లు.